உலகக்கோப்பை கிரிக்கெட்டில் அதிக விக்கெட்டுகள் ஜூலன் கோஸ்வாமி சாதனை

இந்த போட்டியில் இந்திய அணியின் மூத்த வேகப்பந்து வீச்சாளர் ஜூலன் கோஸ்வாமி, வெஸ்ட் இண்டீசின் அனிஷா முகம்மதுவை வீழ்த்தியதன் மூலம், உலகக்கோப்பை கிரிக்கெட்டில் அதிக விக்கெட்டுகள் வீழ்த்திய பவுலர் என்ற சாதனையை படைத்தார். 39 வயதான அவர், 5 உலகக்கோப்பை போட்டிகளில் விளையாடி, (2005, 2009, 2013, 2017, 2022) மொத்தம் 40 விக்கெட்டுகளை கைப்பற்றியுள்ளார்.

உலகக்கோப்பை போட்டிகளில் மொத்தமாக 40 விக்கெட்டுகளை கைப்பற்றியதன் மூலம், முன்னாள் ஆஸ்திரேலிய கிரிக்கெட் வீரர் லின் புல்ஸ்டனின் 34 ஆண்டுகால சாதனையான 39 விக்கெட்டுகளை ஜூலன் கோஸ்வாமி முறியடித்தார்.

மகளிர் உலகக்கோப்பை கிரிக்கெட் போட்டியில் அதிக விக்கெட்டுகள் கைபற்றிய டாப் 5 வீராங்கனைகள் விவரம்:-

முதல் இடத்தில் இந்தியாவை சேர்ந்த கோஸ்வாமி (40 விக்கெட்), இரண்டாம் இடத்தில் ஆஸ்திரேலியா அணியை சேர்ந்த ஃபுல்ஸ்டன் (39 விக்கெட்), மூன்றாம் இடத்தில் இங்கிலாந்து அணியை சேர்ந்த ஹோட்ஜ் (37 விக்கெட்), 4-வது இடத்தில் இங்கிலாந்து அணியை சேர்ந்த டெய்லர் (36 விக்கெட்), 5-வது இடத்தில் ஆஸ்திரேலியா அணியை சேர்ந்த கேத்ரின் ஃபிட்ஸ்பாட்ரிக் (33 விக்கெட்) ஆகியோர் உள்ளனர்.