தொடர்ந்து படிப்பதில் தடை ஏற்படுகிறதா? இந்த பரிகாரங்களை செய்து பாருங்கள் !!

இன்றைய சமுதாயத்தில் கல்வி பற்றிய விழிப்புணர்வு மக்களிடம் சற்று மிகைப்படுத்தலாகவே உள்ளது. கல்வியால் மட்டுமே ஒரு மனிதன் சமுதாயத்தில் தன்னை நிலை நிறுத்த முடியும் என்ற நிலை உருவாகி விட்டது

. பொருளாதாரம், குடும்ப சூழ்நிலை போன்ற பல்வேறு காரணங்களால் கல்லூரி, உயர் கல்வி வாய்ப்பு அனைவருக்கும் கிட்டுவதில்லை. ஜோதிட ரீதியாக உயர் கல்வி கற்க தடை ஏற்பட காரணமும், அதற்கு செய்ய வேண்டிய பரிகாரத்தையும் பார்க்கலாம்.

சனி, சந்திரன் இணைவு இருப்பவர்கள் சுய தொழிலுக்காக, குடும்ப தொழில் சார்ந்த கல்வி அல்லது குடும்ப தொழிலை கவனிப்பதற்காக படிப்பார்கள். சுய தொழில் பளு காரணமாக உயர் கல்வியை தொடர்வதில் தடை இருக்கும்.

சனி, சந்திரனுக்கு ராகு/கேது சம்பந்தம் இருக்கும் போது பொருளாதார நெருக்கடி, உடல் நலக் குறைவால், தகாத நட்பால் சந்தர்ப்பத்தை தவற விடுவார்கள்.

புதனுக்கு ராகு/கேது சம்பந்தம் இருப்பவர்கள் அதிகமாக அரியர்ஸ் மற்றும் ஞாபக சக்திக் குறைவால் படிப்பை தொடர முடிவதில்லை.

ஜனன கால ஜாதகத்தில் 9,11-ம் அதிபதி 6,8,ல் மறைந்தாலும், 9-ம் இடத்தில் சனி ராகு/ கேது நின்றாலும் உயர் கல்வியில் தடை நிலவும்.கல்வியில் தடை, தாமதம், தோல்விகள் ஏற்படுவதற்கு தசா புக்திகள், கோட்ச்சார கிரக நிலைகளே காரணமாக இருக்கின்றன. நீச கிரக தசாபுக்திகளும்,6, 8, 12 மிட கிரக தசை புக்திகளும்,ராகு-கேது தசைகளும் தடைகள், தோல்விகளை ஏற்படுத்தும். புதன்நீசமாகி தசை நடத்தினால்மறதி, படிப்பில் நாட்டக் குறைவு தேவையற்ற குழப்பங்கள், மன சஞ்சலம் போன்றவற்றால்கல்வியில் தடை ஏற்படும்.

4,8-ம் அதிபதிக்கு சனி,செவ்வாய் சேர்க்கை இருந்தால் உயர்கல்வியில் திடீர் தடைகள் ஏற்படலாம். லக்னம், 5, 7, 8-ம் இடங்களில் சந்திரன், சுக்கிரன் சம்பந்தம் ஏற்படும் தசாபுக்திகளில் தேவையற்ற சஞ்சலங்கள் ஏற்பட்டு கவனம் தடுமாறும். சுக ஸ்தானாதிபதி 6, 8,12-ம் அதிபதியுடன் சேர்க்கை பெற்று தசாபுக்தி நடந்தால் உடல்நலம் பாதிக்கப்பட்டு கல்வி தடை ஏற்படலாம்.

கோட்சார ராகு,கேதுக்கள் ராசிக்கு 2, 4, 7, 8, 10 போன்ற ஸ்தானங்களில் வருவது, மற்றும் அர்தாஷ்டமச் சனி, கண்டகச்சனி, ஏழரை சனி, அஷ்டமச்சனி காலங்களில்கல்வியில் தடை ஏற்படும்.

ஜனன கால ஜாதகத்தில் 9-ம் இடம் வலிமை குறைந்தவர்கள் அமாவாசை மற்றும் சனிக்கிழமைகளில் முன்னோர்களைஆத்மார்த்தமாக சரணாகதி அடைந்து வழிபட்டால் உயர் கல்வி வாய்ப்பு சித்திக்கும்.

ஜாதகத்தில் புதன் வலிமை குன்றியவர்கள் புதன் கிழமைபச்சைப் பயிரை சாப்பிட வேண்டும். புதன் கிழமை ஹயக்கிரீவருக்கு நெய் தீபம் ஏற்றி துளசி அர்ச்சனை செய்தால் நன்மைகள் தேடிவரும். மேலும் புதன் கிழமை பிரதோசம் வரும் நாட்களில் சிவன் மற்றும் நந்திக்கு வில்வ அர்ச்சனை செய்து வழிபட்டால் உயர் கல்வி வாய்ப்பு கைகூடும்.