பெரும்பாலான பெற்றோர்கள் தங்களுடைய குழந்தைகளுக்கு டோஸ்ட்டுன் பட்டர் சேர்த்து காலை நேர உணவாகக் கொடுக்கிறார்கள்.
பெரும்பாலாக பிரெட் வகைகள் ரிஃபைண்ட் செய்யப்பட்ட மாவிலிருந்து தயார் செய்யப்படுகின்றன. ரிஃபைண்ட செய்யப்பட்ட மாவில் அதிக கார்போவும் குறைந்த அளவும் நார்ச்சத்தும் மட்டுமே இருக்கின்றன. அதனால் காலை நேர உணவாக எடுத்துக் கொள்ளும்போது இயல்பாகவே ரத்தத்தில் சர்க்கரையின் அளவு அதிகரிக்கும்.
சீஸ் : கடைகளில் வாங்கும் சீஸில் அதிக அளவில் உப்பு சேர்க்கப்பட்டிருக்கும். அதனால் குழந்தைகளுக்குக் காலை உணவாக சீஸ் கொடுப்பதைத் தவிர்ப்பது நல்லது.
பழச்சாறுகள் : பெரும்பாலான பெற்றோர்கள் இந்த தவறை தான் செய்கிறார்கள். பழங்களை அப்படியே சாப்பிடக் கொடுப்பதால் அதிலுள்ள நார்ச்சத்துக்கள் கிடைக்கும். ஆனால் சாறாகக் கொடுக்கும்போது அதிலுள்ள நார்ச்சத்துக்கள் நீங்கி, வெறும் சர்க்கரை மட்டுமே சேருகிறது. இது உடல் பருமனை ஏற்படுத்தும்.
கிரனோலா பார் : புரோட்டின் பார்கள் கொடுப்பது தசை வலிமையை அதிகரிக்கச் செய்ய உதவும். உடலுக்குப் போதிய ஆற்றலைக் கொடுக்கும். வீட்டில் இதற்காக தனியே சமைக்கத் தேவையில்லை. அதனாலேயே பெற்றோர்கள் இதை வீட்டில் வாங்கி வைத்து எளிதாகக் குழந்தைகளுக்குக் கொடுத்து விடுகிறார்கள். ஆனால் அப்படி சமைக்க யோசித்துக் கொண்டு, கடைகளில் ரீஃபைண்ட் சர்க்கரை சேர்க்கப்பட்ட கிரானோலா பார்களை சாப்பிடுவதால் ஒரு நேர ஆரோக்கியமான உணவையும் அதன்மூலம் கிடைக்கும் ஊட்டச்சத்துக்களையும் இழக்கிறார்கள் என்பதை மறந்து விடாதீர்கள்.
டோனட் : டோனட் குழந்தைகளுக்கு மிகவும் பிடித்த உணவு தான் என்றாலும் இதை கட்டாயம் காலை நேர உணவுக்குப் பதிலாகக் கொடுக்கவே கூடாது. சிற்றுண்டியாகக் கூட இதுபோன்ற ரீஃபைண்ட சர்க்கரை மற்றும் மைதா உணவுகளைக் கொடுப்பதை நிறுத்த வேண்டும். இதுபோன்ற ரீஃபைண்ட் பொருள்களால் செய்யப்பட்ட உணவுகளால் எலும்புகள் பலவீனமடையும் வாய்ப்புகள் அதிகம்.
கார்ன் பிளேக்ஸ் : சாக்கோஸ், கார்ன் பிளேக்ஸை வாங்கிப் பாலில் போட்டு குழந்தைகளுக்குச் சாப்பிடக் கொடுப்பதை ஈஸியான வழியாகவும் அதை நாகரீக உணவாகவும் இன்றைய தலைமுறையினர் நினைக்க ஆரம்பித்து விட்டனர். ஆனால் ரெடிமேடாகக் கிடைக்கும் இந்த உணவுகளில் நிறைய பதப்படுத்திகள் சேர்க்கப்படுகின்றன. இவை வயிறு சம்பந்தப்பட்ட பிரச்சினைகளை ஏற்படுத்துகின்றன.
ஆகவே குழந்தைகளுக்கு காலை உணவாக இதைக் கொடுப்பதை தவிர்ப்பது நல்லது.
