சிலருக்கு இருட்டில் தூங்க பயமாக இருக்கும். ஆகையால் ஜன்னல் வழியாக வரும் வெளிச்சம் அல்லது ஸீரோ-வாட்ஸ் பல்புகளை பயன்படுத்தி அச்சமின்றி உறங்கும் பழக்கத்தினை கொண்டிருப்பர். இனிமேல் இருட்டில் துயில்கொள்ள பழகி கொள்ளவும். ஏனென்றால் இரவில் தூங்கும் போது ஜன்னல் வழியாக வரும் வெளிச்சத்தை கூட திரைச்சீலைகளை கொண்டு மறைக்க வேண்டும், மிதமான சுற்றுப்புற மின்விளக்குகளை கூட எரிய விடக்கூடாது என்று ஆராய்ச்சியாளர்கள் சொல்கிறார்கள்.
பல்கலைக்கழகத்தின் ஃபீன்பெர்க் ஸ்கூல் ஆஃப் மெடிசினில், சீஃப் ஆஃப் ஸ்லீப் மெடிசீன் ஆக பணிபுரியும் டாக்டர் பில்லிஸ் ஜீ விளக்கமளிக்கையில், "நாங்கள் மேற்கொண்ட இந்த ஆய்வின் முடிவுகள், இரவில் நீங்கள் தூங்கும் அறையில் ஏற்படும் ஒரு மிதமான வெளிச்சம் கூட - குளுக்கோஸ் மற்றும் இதயத்தின் இரத்தக் குழாயின் ஒழுங்குமுறை பாதிக்கும். இது இதய நோய், நீரிழிவு மற்றும் மெட்டாபாலிக் சிண்ட்ரோம் போன்ற ஆபத்துகளுக்கு வழிவகுக்கும். எனவே மக்கள் தூக்கத்தின் போது ஒளி வெளிப்பாட்டின் அளவைத் தவிர்ப்பது அல்லது குறைப்பது முக்கியம்" என்று கூறி உள்ளார்.
ஒரு ஆய்வின் வழியாக தெரிவிக்கப்பட்டுள்ள முடிவில், மிதமான ஒளி வெளிப்பாடாட்டினால் நம் உடல் ஹையர் அலெர்ட் ஸ்டேட்டிற்கு செல்வது கண்டுபிடிக்கப்பட்டுள்ளது. இந்த நிலையில், ஒருவரின் இதயத் துடிப்பு அதிகரிக்கும். உடன் இரத்தத்தை வெளியேற்ற இதயம் சுருங்கும் விகிதமும், ஆக்ஸிஜனேற்றப்பட்ட இரத்த ஓட்டத்திற்காக உங்கள் இரத்த நாளங்களுக்கு இரத்தம் எவ்வளவு வேகமாக செலுத்தப்படுகிறது என்ற விகிதமும் அதிகரிக்கும். "நீங்கள் தூங்கினாலும், உங்கள் தன்னியக்க நரம்பு மண்டலம் செயல்படுத்தப்படுகிறது. அது தவறு. பொதுவாக, உங்கள் இதயத் துடிப்பு மற்றும் பிற இருதயம் சார்ந்த பணிகள் இரவில் குறைவாகவும் பகலில் அதிகமாகவும் இருக்கும்"
மேலும் இந்த ஆய்வின் வழியாக, ஒளிமிக்க அறையில் தூங்கி காலையில் எழுந்தவர்களுக்கு இன்சுலின் ரெசிஸ்டென்ஸ் ஏற்பட்டதையும் ஆராய்ச்சியாளர்கள் கண்டறிந்துள்ளனர். இன்சுலின் ரெசிஸ்டென்ஸ் என்பது உங்கள் தசைகள், கொழுப்பு மற்றும் கல்லீரலில் உள்ள செல்கள் இன்சுலினுக்கு சரியாக ரெஸ்பான்ஸ் செய்யவில்லை என்று அர்த்தம். ஆகையால் உங்கள் இரத்தத்தில் இருந்து குளுக்கோஸை ஆற்றலுக்காக பயன்படுத்த முடியாது. அதை ஈடுசெய்ய, உங்கள் கணையம் அதிக இன்சுலினை உருவாக்கும். காலப்போக்கில், உங்கள் இப்ளட் சுகர் அதிகரிக்கும். தூக்கம், ஊட்டச்சத்து மற்றும் உடற்பயிற்சியோடு சேர்த்து பகல் நேர வெளிச்சமும் நம் ஆரோக்கியத்திற்கு ஒரு முக்கிய காரணியாகும், ஆனால் இரவில் வெளிச்சம் இருக்க கூடாது என எச்சரிக்கை விடுக்கின்றனர் ஆராய்ச்சியாளர்கள்.
