தமிழ், தெலுங்கில் முன்னணி நடிகையாக வலம் வரும் சமந்தா அண்மையில் 'புஷ்பா' படத்தின் 'ஊ சொல்றியா மாமா' பாடல் மூலம் நாடு முழுவதும் மேலும் பிரபலமடைந்தார்.
அடுத்ததாக ஹரிஹரிஷ் இயக்கத்தில் 'யசோதா' என்ற படத்தில் நடித்து வருகிறார் சமந்தா. யசோதா திரைப்படம் ஆரம்பம் முதலே ரசிகர்களிடையே அதிக எதிர்பார்ப்பை ஏற்படுத்தியுள்ளது.
ஸ்ரீதேவி மூவிஸ் சார்பில் சிவலெங்கா கிருஷ்ண பிரசாத் இந்தப் படத்தை தயாரிக்கிறார். தயாரிப்பாளர் இப்படத்திற்காக பல கோடி ரூபாயில் பிரம்மாண்ட செட் அமைத்துள்ளார். கடந்த டிசம்பர் முதல் வாரத்தில் இப்படத்தின் டைட்டில் லுக்கை வெளியாகி பெரும் வரவேற்பை பெற்றது.
இந்தப் படத்தில் சமந்தா எழுத்தாளராக நடித்துள்ளார். வரலட்சுமி சரத்குமார், உன்னி முகுந்தன், ராவ் ரமேஷ், முரளி சர்மா உள்ளிட்ட பலர் இந்த திரைப்படத்தில் நடித்துள்ளனர். த்ரில்லர் பாணியில் உருவாகியுள்ள இந்தத் திரைப்படம் வரும் ஆகஸ்ட் 12ம் தேதி வெளியாகும் என படக்குழு அதிகாரபூர்வமாக அறிவித்துள்ளது.
