விஜய்யின் பீஸ்ட் பற்றிய பேச்சு தான் இப்போது அதிகம். தமிழ்நாட்டில் எப்போதுமே விஜய்யின் படத்திற்கு பெரிய எதிர்ப்பார்ப்பு இருக்கும். அதன்படி இந்த முறை விஜய்யின் பீஸ்ட் திரைப்படம் 800 திரையரங்குகளுக்கு மேல் ரிலீஸ் ஆக இருப்பதாக கூறப்படுகிறது.
பீஸ்ட் திரைப்படம் நடிகர் விஜய் நடிக்கும் 65வது (தளபதி 65) திரைப்படமாகும். நான்காவது முறையாக விஜய் - சன் பிக்சர்ஸ் கூட்டணி அமைந்துள்ளது. இயக்குனர் நெல்சன் திலீப்குமார் கோலமாவு கோகிலா, டாக்டர் படங்களை தொடர்ந்து பீஸ்ட் படத்தினை இயக்கியுள்ளார்.
பீஸ்ட் படத்தின் நாயகி பூஜா ஹெக்டே தமிழ் சினிமாவில் முகமூடி படத்தில் நாயகியாக நடித்து தனது திரைப்பயணத்தை தொடங்கியவர் தற்போது பீஸ்ட் படத்தில் நடித்து மீண்டும் தமிழ் சினிமாவில் ரீ-என்ட்ரி கொடுத்துள்ளார். தமிழ் சினிமாவில் பல படங்களை இயக்கி ஒரு முக்கிய முன்னணி இயக்குனராக புகழ் பெற்ற செல்வராகவன் இப்படத்தில் வில்லன் கதாபாத்திரத்தில் நடித்துள்ளார்.
படத்தின் ரிலீஸ் தேதி வந்ததில் இருந்து படத்தின் முன்பதிவு விவரங்கள் வெளியாகி வண்ணம் உள்ளன. அதில் இப்போது ஒரு சூப்பரான தகவல் வந்துள்ளது. அதாவது விஜய்யின் பீஸ்ட் திரைப்படம் USAவில் முன்பதிவில் மட்டும் ரூ. 1.9 கோடி வரை வசூலித்துள்ளதாக சூப்பரான தகவல் வந்துள்ளது.
